पहिल्या प्रेमाचा साक्षीदार....

आपल्या प्रेमाचा साक्षीदार ,

आता पहिल्यासारखा बहरत नाही ...

लोक म्हणतात त्याच वय झालंय ,

आता त्याला सुधरत नाही ...

हा तोच दारातला गुलमोहर ,

आता थोडा झुकला आहे ...

कमी पाण्याने नाही वेडे ,

तुझ्या न येण्याने सुकला आहे ...

गळालीत त्याची सारी फुले ,

कळ्याही आता रुसल्या आहेत ...

शेंड्यावरच्या कोवळ्या पालवीनेही ,

हळव्या आठवणी पुसल्या आहेत ...

लाल केशरी फुलांची जागा ,

पालिकेच्या कुंडीत होती ...

तरीसुद्धा वेडी सावली त्याची ,

तुलाच प्रिये धुंडीत होती ...

❤️❤सचिन कुंभार ️❤️❤️